How yuh start out inna di dancing thing?
Well faada trust mi..... yuh know seh mi is a youth whey usually dance disco.....Believe mi, mi usually dance pon "Where Its At'.  I gwine tell yuh a ting. Yuh memba Ms. Lou, a 'Ring Ding' mi a come from with Ms. Lou. (Louise Bennett), an from there to  a  .........International dancer.  Is a ting weh when mi use to dance pon 'Where Its At' an dem tings deh, an a dance disco, mi did haffi rehearse, now mi a do my ting mi nuh haffi rehearse cause a my ting mi a do.  Yuh see wha mi a say, that's why every year, yuh get all tree, four, five, six, seven, eight, nine, ten dance from Bogle.

Di name Bogle still, how yuh get da name deh, is it from the National Hero?
Well bonifide, a deh so it a come from.  Mi get fi understand seh my family dem si mi an a say boy Jah Know yuh fayva Paul Bogle inno, so yuh si from dat, a just Bogle.  From mi know my self, mi know myself as Bogle.  Yuh understand what mi a seh
Faada.  Bogle nuh deh pon mi birth paper inno.  =) =) but mi name Bogle, Trust mi it's all good, it's all good, it's all good.

What do you use to create your styles?
Like suppose mi tell yuh something now. Is like......where me is concerned now seen, mi is a dancehall fanatic.  So is a natural ting. Mi remember one time inna di dancehall everybody stagnant right, everybody inactive seen.........is like back in the days mi see dat an say, but wait......... di people dem fi have something fi do, cause yuh can't have di music an can't dance to it.  From yuh have di music yuh have to can dance to it, because without di music there is no dance, and without di dance, di music nah go come.  Yuh understand mi.  So is like a inna mi lab mi go an just decide mi mind an seh chuh, mi stop rehearse an di disco, mi ago just do mi ting.  Inborn concept.  If a something what me pick up, mi loose it already, Trust Mi Faada.

What is the new dance out now?
Di dance whey yuh si dem a cut an a rae rae a di remix a di Bogle dat.  Yuh have di Mission Impossible, yuh have di Hot 97 den yuh have di Pelpa Dance.  It is a remix of the Bogle.

Mi know say nuff a di talk dem inna di dancehall ah you inspire dem........
Alright definitely see dats why mi love how yuh a rest inno, seen.......Yuh si you now, yuh a hear bout mi inno, Trust Mi yuh a hear bout mi, mi respect yuh fi dat, yuh know why...Most of the talk dem, most of the slang dem what yuh hear a Bogle buss dem.  Memba 'All Fruits Ripe' what Jr. Reid do, 'Mr. Man' wha Buju Banton do, 'Mr. Wakinston', 'Mr. Abraham', 'Mr. Mention'.............a mi buss all a dem deh talk deh.  Yuh see Frisco Kid, a Washington mi an him deh one night, wi a do a show an mi look pon him an say.......'Yow unno tink seh mi nice, Bwoy like mi rotten Frisco Kid man' an him just seh Bogle don't say another word it deh pon plastic anytime yuh come down...Seen.  Everytime mi a buss some dance mi always a buss some talk. Right now yuh suppose to a hear bout di pelpa talk a me buss it.  'Man a Pelpa man a nuh Hell,'  'Much Love,' a mi buss dem talk deh.

Yuh have any pre-release talk?
Yea Man! Well more time you see a man a show off and you don't want to tell him so you say "A pretty yuh a pretty up pon mi? Don't Pretty!" "Stop Pretty"